Ма къиза хиннад, рудзкъа, хьа дуне.
Ер иштта хургдолга, сона хайна даларе.
Со вожа мегара, хинна уне.
Хургйацар йоалайа хьо сайна маьре.
Дlакъайла латта вай дошо чlегаш.
Цхьаккха саг вац, гонахьа йисте.
Вайха оаларгдац - да зlамига бераш.
Хlанз човнаш мо эттар, денош юкъе.
Са кlайлушбоа корта, хьа боаца сатем.
Хувцалуш доагlа вай, дунена тарра.
Цу сигале тlагlолла додаш доа кем,
Цхьа тамашийна ду тахан гlара.
Ма бирса хьеж адамаш бlарa,
Вай иразах бlаргбила уж долха хlанз.
Хий доацаш бетталац чкъаьра.
Вай бехке даь тlеххьара тlа йехьара ганз.
Гlермане, 27. Тов 2010 шу
Вай xувцаденнад
© Copyright: Микаил Сапралиев, 2011
Свидетельство о публикации №111031405687
Свидетельство о публикации №111031405687
Рецензии