На зыход дня
Ляніва спаўзае за цьмяныя выспы,
Таўчэ камарэча над студняю мак,
Грувасьцяцца цені на цёплыя прызбы.
А выганам статак рахманы брыдзе –
Плыве малако з лугавін на падворкі,
Шукае ахвяру нуда-авадзень,
Ды пахне зямлёю, вясной і махоркай.
Пралез надвячорак праз дзіркі ў платах,
Сабой запалоніў двары, навакольле,
Сьпявае задзірыста ў прыцемках птах,
Сінее за вёскай далёкае поле.
Сьціхаюць сялянскія спрэчкі да дня,
А ледзь толькі золак – хітрэйшы пасьпее
Замовіць са стайні калгаснай каня,
Каб першаму соткі картопляй засеяць.
1989.
©Фота Anthony Chistoff
Свидетельство о публикации №111020403969
але мне, напрыклад, зусім не падабаецца параўнанне:
"Агромісты, блякла-барвяны сьлімак"
Сонца не можа быць бляклым, яно заўсёды асляпляе, тым больш слімаком. Слімак такі склізкі. З павагай
Альжбэта Палачанка 25.10.2012 12:14 Заявить о нарушении
Сержук Сыс 06.11.2012 10:53 Заявить о нарушении
Альжбэта Палачанка 06.11.2012 13:14 Заявить о нарушении
Сержук Сыс 09.11.2012 11:13 Заявить о нарушении