ГIайренан мехашна ветталуш мара,
Эсала аз дагалоьцу ас хьан.
Хаьий-те хьуна со мел лууш вара
Хьан бIаьра хьаьжначохь даим а Iан.
Хаац, со кху пана хIун лоьхуш кхаьчна,
Лом санна, дахделла дижинчу Iа?
Сан боккха сатийсам кхачийна, баьчна,
Ткъа, гIайгIа, бод санна, севсина Iа.
Саттосуш зарзъели стигланан чкъуьйриг.
«ХIуп» аьлча, суй санна, бутт а дIабай.
Охотски хIорда тIехь тулгIенийн уьйриг
Атало, даржадеш шен цинцийн вай.
Сира де хьан бIаьргийн бос бахьаш деъна,
Куьйсачу кондаро етта шен йорт.
Мотталой со хьуна хийисте веъна,
Шовданах сан когех хьекхало хIорд.
Победино, 1979 шеран октябрь
Сингаттаме байташ
© Copyright: Ибрагим Юсупов, 2010
Свидетельство о публикации №110111108273
Свидетельство о публикации №110111108273
Рецензии
