ЭхI, сан гIайгIа… Хьочо даьккхи заза.
Лаьтта хьоьжу мархийн екхна яххьаш.
Керла бIаьсте йогIуш ю цхьа хаза,
Стохкалера гIаргIулеш а яхьаш.
Метта буьххьехь дешнийн оьла IаьIа,
Со векалвеш зевне илли ала.
Декнийн генаш лаьтта охьатаьIа,
Хьаста лууш яр а, бецан хал а.
Олхазарша гонах йоккху гIара.
Стигал а яц дагахь кеста яча.
Мела хIаваъ доггах эккха мара,
Когех хьаьрчаш хьуьнчу доьду тача.
Хоттане, 1981 шеран май
Керла бIаьсте
© Copyright: Ибрагим Юсупов, 2010
Свидетельство о публикации №110111108207
Свидетельство о публикации №110111108207
Рецензии
