Боллан дитт ду даккха гIерташ заза.
Ловсарбоьлла хьуьнчу боьду некъ.
Керла бIаьсте йогIуш ю цхьа хаза,
Зезагашлахь йоьлуш, суна тIе.
Метта буьххьехь дешнаш меттах дуьйлу,
Хьалхе къовса бIаьсте хастаеш.
ТIуьнчу лаьтто маьлхан зIаьнарш муьйлу.
Човкарчий а хьийза, баннаш деш.
Юьртахой бу аха бохкуш кханнехь,
Уьш керташкахь нахарш хьедеш го.
Тийналлино шен гуш йоцчу канахь
Сатийсамна хIаваъ мийладо.
Хоттане, 1978 шеран апрель
БIаьсте йогIу
© Copyright: Ибрагим Юсупов, 2010
Свидетельство о публикации №110111108195
Свидетельство о публикации №110111108195
Рецензии
