Даккхийра кIайн синош дохуш,
Дато дарц сан уьйтIахь хьийза.
Соьга ша чудита бохуш,
Да воцчу жIаьлех и цIийза.
Къоначу гIоранах тешаш,
Кхиссало лайн чимийн цинцаш.
Можачу малхана тийжаш,
Дорцан син йишхаьлла хIинца.
Балахьа, дашо малх, орцах,
Яржаеш хьайн зIаьнарш тайна.
Моьтту-кха чекх хьаьжча дорцах,
БIаьстенан заза го сайна…
Хоттане, 1978 шеран январь
Даккхийра кIайн синош дохуш...
© Copyright: Ибрагим Юсупов, 2010
Свидетельство о публикации №110110205443
Свидетельство о публикации №110110205443
Рецензии
