Тамарзу я..
Багьнадилай багьна кутаз, вун хъелиз,
Вучиз икьван хару хьанва, кIаниди?
ЧидатIа ваз, рикI алама гьикI шелиз,
Мана квачир уьмуьр лугьуз фаниди…
Шумуд югъ я жаваб амач чарариз,
Вил рекъелла, тамарзу яз ванцихъ ви.
За вуч хъийин нагагь къвезвай гарариз,
Зурзалаг хьиз, къван тазмачир къванцихъ зи.
Хиялри зи къахчунава секинвал:
Яраб ви рикI са чарадахъ кузва жал?
Туна гила зи гьиссера серинвал,
Ашкъиди нав са масадаз гузва жал?
© Copyright: Билал Адилов, 2010
Свидетельство о публикации №110101006834
Свидетельство о публикации №110101006834
Рецензии