Шаир Эйвазаз
Шаир Эйваз, ша мугьман хьухь дагълариз,
Фаданлай ваз къвез кIанзавай и патаз.
Фидани чун Селибурдин сувариз
Цуькверикай атир галай кIунчIар кьаз.
Къалурда за дамахдивди зи макан-
Тухуда вун Шарвилидин гелерай.
Ингье, им я хайи диге Далагьан,
Аквада ваз са кIанивал вилерай!
Келентарни Байрам хьайи яйлахар
Шад жедачни ихьтин шаир атунал?
Бул я инра нек-нисияр, къаймахар,
Тамагь фидач дагъда маса затIунал.
Ахпа вуна яд хъухъ "Кизир" булахдин,
АкI жеда ваз «Купул» дагъдиз атай хьиз!
Къведа ваз гьикI серинвал куь къавахдин,
Акъатдачни чандавай тIал, гатай хьиз?!
Экъец1дачни Шагьдин суван кIукIварал,
Аквадайвал Теки патар -ви ватан?
Секин чIавуз лекь ацукьдай мукварал
Ягъана ял, шиир кхьихь са масан!
© Copyright: Билал Адилов, 2010
Свидетельство о публикации №110100705065
Свидетельство о публикации №110100705065
Рецензии
просто класс! отличные стихи! больших творческих успехов тебе,Билал! Продолжай в таком же духе.Большой салам от меня Эйвазу.
Руслан Ширинов 05.02.2012 21:47 • Заявить о нарушении
Руслан Ширинов 05.02.2012 21:47 • Заявить о нарушении
На это произведение написаны 2 рецензии, здесь отображается последняя, остальные - в полном списке.