Мы тут жылі, жывём, нам трэба жыць,
Не пакідаючы бацькоўскае дарогі –
У сэрцы і з Чарнобылем, і з Богам,
Распнутым некалі Пілатам на крыжы.
Мы тут, сярод параненай зямлі,
Ахрышчаныя стронцыевым пылам…
Ахвяры ці злачынцы, Божа мілы,
Дагэтуль разабрацца не змаглі.
Мы тут усе заложнікі бяды,
Не адвядзеш яе, не пераможаш…
Вялікі дзякуй, літасьцівы Божа,
Што ты ня зьбег адгэтуль нікуды!
1991.
Нам трэба жыць Чарнобыль
© Copyright: Сержук Сыс, 2010
Свидетельство о публикации №110042702613
Свидетельство о публикации №110042702613
Рецензии
