Шчаслівы чалавек, які
Не йшоў на збор бязэцных,
На троне згубнікаў не сеў,
Не стаў на сцежку грэшных,
Але ў Законе Госпада
Ён волю толькі мае,
І аб законе Божым ён
Дзень цэлы разважае.
І будзе быццам дрэва, што
Расце пры вод вытоках:
У час належны свой дасць плод
І ліст яго не зжоўкне,
Ва ўсім, што робіць, мае спор.
Не так, не так бязэцны,
Ён бы з зямнога твару пыл,
Які ўзнімае вецер.
Таму не ўскрэснуць на судзе
Бязэцныя ніколі,
Таму й не ўвойдуць грэшнікі
У праведныя зборы,
Бо ведае Гасподзь заўжды
Усіх праведных сцяжыну,
А шлях бязэцных прывядзе
Заўжды, заўжды ў пагібель.
Псалом 1
© Copyright: Алесь Спицын, 2008
Свидетельство о публикации №108083001738
Свидетельство о публикации №108083001738
Рецензии