ЦУДОЎНЕЙШАЯ З ЖАНЧЫН
Праз тысячы доўгiх вёрст,
Праз сiвер бясконцых сцюж —
Прыйду да цябе наўпрост
З букетам пунсовых руж...
Каханне маё — мой лёс.
Усмешка твая — праз плач.
Расчулю цябе да слёз
Пакорным сваiм: "Прабач..."
Ты вучыш мяне лятаць,
Ты вучыш мяне любiць.
Мне радасць цябе кахаць,
Мне шчасце з табою быць.
Да сонечных аблачын
Ты ўзнiмеш маю зямлю.
Цудоўнейшая з жанчын —
Жанчына, што я люблю!
Цудоунейшая з жанчын
© Copyright: Леонид Пранчак, 2008
Свидетельство о публикации №108073000814
Свидетельство о публикации №108073000814
Рецензии
