Збiць хацелi з панталыку
Колькi раз – я збiўся з лiку!
Бо яшчэ са школьнай парты
Помню чортавы iх жарты!
Бо i зараз крывапiўцы
Паглядаюць – каб упiцца,
Моцна ўпiцца – пахмялiцца –
Нада мной павесялiцца!
Вось яны б пабалявалi,
Каб мяне упалявалi!
Я б не тое што удачы –
Свету боскага не ўбачыў!
Аж скрыгочуць бюракраты,
Стогнуць подлыя стагнаты,
Што я ў добры бок упарты –
Iм на жаль – не смеху варты!
Хоць трымаць заўсёды мушу
Нос пад вецер, чуйна – вушы,
Вочы мець i ззаду трэба,
Хвост трымаць на ўзводзе стрэльбай!
Збiць хацелi з панталыку...
© Copyright: Станислав Володько, 2006
Свидетельство о публикации №106073000591
Свидетельство о публикации №106073000591
Рецензии