Лерххун най дур шинну, гьантта-чIун, оьрму,
Най буру бяйкьлайгу, тIайла бацIлайгу,
Зана бан бюхъарча оьрмулул лахIза,
Щащан бюхъанссия цIунилцIа оьрму.
БакIрай бацIан бува ттул миллат, Аллагь,
Жула маз аьркиншив къабувчIлачIисса,
ТIайла ххуллийн буци Идавсил уммат,
Бяйкьусса ххуллурдайх бяйкьуну найсса!
Зана ба яхI- намус, къирият, чувшив,
Буттал буттахъал кьариртсса жунна,
Кьамулгу буванну нясивсса кьисмат,
Щукругу буванну Заннал чичрулийн!
БакIрай бацIан бува
© Copyright: Райганат Гайдарова, 2024
Свидетельство о публикации №124070405994
Свидетельство о публикации №124070405994
Рецензии