Япды булутлар

Инанып болмайлы сагъа къарайман,
Не амаллар этейим деп сорайман,
Гетди деген сёзге юрегим гююп,
Къолларынг сыйпайман, исситме сююп.

Сувукъ къоллар исси болма къарамай,
Балики тюшюмдюр, олай ярамай.
Суриянга иржайып да бакъмайсан,
Гёзлеринг ачылмай, кирпик къакъмайсан.

Тюз тюгюл чю, уллу анам, нетесен,
Даимликге мени къоюп гетесен,
Сени азиз къызынг гьалиде яшман,
Гьалидей яшавум болмагъан пашман.

Сен эдинг насибим уллу этер де,
Сен болдунг бизге тез савбол этер де,
Ачылгъан кёгюмню япды булутлар,
Болмагъандай болду уллу умутлар.
 


Рецензии