Гьар пакамахъ, заз к1унч1ар гваз
Къизилгуьлдин, къвезва вун.
Икьван гуьзел цуьквер акваз
Рик1ивай шад жезва зун.
Няниз лагьайт1а гьар йикъан
Йиф хийир хьуй!- лугьуда.
Я вун ният михьи инсан -
Рик1 акъудна вугуда.
Акьван вахт туш чун таниш яз-
Вун зи рик1и ч1угуна.
Цуьквер гъизва зи гуьгьуьл кьаз-
Ат1лас лентер кут1уна.
Вуч ят1а уьмуьр чизва чаз-
Уьк1уь-цуру акунва.
И дуьнядлай вуч к1ан я чаз,
Вуч тухуда къачуна?
Ваз ви рик1 тирвал гурай вах:
Вили цавар, рагъ кьилел.
Вуч мурадар ават1а вахъ
Ваз акурай шад рекьел.
АСИ вахаз
© Copyright: Гасанова Гюзеля, 2018
Свидетельство о публикации №118040609291
Свидетельство о публикации №118040609291
Рецензии