Къарагъ лезгияр, ахъая вилер,
Ша вахчун чи бубайрин чилер,
Чун са тар я, амма ханва хелер,
Къарагъ лезгияр, къарагъ эллер!
Алат1ани квел залан тир херер,
Т1азват1ани к1вачерни гъилер,
Ксанват1ани куьн мекьи чилик,
Къарагъ лезгияр, ша фин вилик!
Буьркьуь я чи душмандин вилер,
Акунвач адаз накъварин селлер,
Ша азад хъийин арандин хуьрер,
Къарагъ лезгияр, къарагъ эллер!
Къарагъ лезгияр, къарагъ халкьар,
Кьуд пад я фитне, кьуд пад я кьар,
Ша ийин вирида Аллагьдиз минет,
Гьич такурай душмандиз женнет!
Ша хкягъин санал чи азад рекьер,
Лагь, ханвани куь лувар, лекьер?
Са лезгидикайни жедач нуьквер,
Бес мус аквада чаз бахтни эквер?
Гьикьван авахьрай лезгийрин иви?
Ша жен санал, къуват ийин к1еви.
Вучиз хьанва чун икьван пашман?
Чун къарагъайт1а, катда душман!
23.01.2015г
Къарагъ лезгияр!
© Copyright: Сабина Абдуллаева, 2015
Свидетельство о публикации №115012408893
Свидетельство о публикации №115012408893
Рецензии
На это произведение написаны 2 рецензии, здесь отображается последняя, остальные - в полном списке.