Ахъ дубуртала кьапIни
КIапIкадариб дирихьли,
Вязла бибгIян маркали
ШинкIадариб къадурби.
Галгубала мургьи ранг
Бурямли къяп-къяпбариб
Дакьун цIаван дуцIар аргъ,
Баркатла марка дариб.
ЧатIни арцур, ардякьун
Аргъ ванати улкнази.
ХIуркIбала шинра дакьун
Кадурхути урхьнази.
БерхIи ванахIебикIар
Къургъурти гьакаили .
Бурямра гьалакбикIар
БяргIибси гьава хили.
Заб-маркара цIакьдикIар
Галгуби чIянкIдарили.
Мургьи рангра барсбикIар
ДяхIили кIапIбирули. ..
Иш ГIебшнила жагадеш
Дусла бухIнаб чардулхъан,
Чардарили разидеш
Мургьи рангли пархдулхъан.
мургьи рангла гIебшни
© Copyright: Раисат Арсланбекова, 2014
Свидетельство о публикации №114100307381
Свидетельство о публикации №114100307381
Рецензии