Ч1ехи шаир Эминан т1вар гана ваз,
Лезги ч1ални михьи назик тир аваз,
Лезги адет,лезги намус яхъ вине,
Ракъурмир гьич рик1елай жуван бине.
Къе вал дамахиз к1ват1 хьанва багърияр,
Ц1ийи хизан кутаз гъизва багьа яр,
Куьн бахтлу хьун чи гьар садан мурад я,
Мубаракиз мехъер къе квез чун шад я.
Мубаракрай, чан хва, ваз ви шад мехъер,
Гележегдиз ви бахтунин я эвер.
Гьар са югъ куь бахтлу хьурай нурлу яз,
Уьмуьр фирай шадвилелди гурлу яз.
Муьгьуьббат хьуй куь к1валин мягькем дестек,
Гьуьрмет,хатур гьелбетда я квез герек,
Вафалувал хьурай арада квез куьмек,
Диде-бубадин ч1алаз ая дикъет.
К1анивал я к1валин девлет, берекат,
Ашкъи хьурай рик1ера ийиз гьерекат,
Хъуьт1уькай квез хьурай даим чими гад,
Уьмуьрдин квез акурай ширин тир дад.
Мубаракрай мехъер, шад хьурай рик1ер,
К1вале хьуй аялрин къугъунрин ванер.
Мубаракрай мехъер - им я чи эвер,
Шад хьурай ислягь дуьньяда чи эллер.
21.04.2024.