***
Бясхмарнае неба
Над мірнай зямлёю.
Адталая глеба,
Туман над раллёю.
Бясхмарнае неба
Над мірнай зямлёю.
Кавалачак хлеба
Не пахне вайною.
Над мірнай зямлёю
Узносяцца мары,
А недзе вайна
І бушуюць пажары.
Бясхмарнага неба
Шануйце мінуты,
Бо недзе і гора,
І смерць, і пакуты.
Не рвіцеся з неба
Бясхмарнага ў вырай.
Любіце, як маці,
Зямлю сваю шчыра.
І нават калі
Не хапае вам волі,
Цаніце бясхмарнага
Неба раздолле.
Не дай жа Гасподзь,
Каб званілі званы
Пад небам спякотным
Крывавай вайны.
Бясхмарнае неба
Над мірнай зямлёю.
А мне толькі трэба
Адзінства з табою.
Адзінства з табою,
І з роднай зямлёю,
І з небам бясхмарным -
Пра гэта я мару.
26. 03. 2024 г.