Якою толькi ты мне не прыгадалася -
Ключом бурлiвым, што з крынiцы б'е,
Цудоўнай песняю, якая не спявалася,
Якую салавей аднойчы нам спяе.
Якою толькi ты мне ўжо не прыгадалася -
I майскiм сонейкам, ўзышоўшым над зямлёй,
Зарой вясноваю, што нада мной ўзнялася,
Якую шчэ не раз сустрэнем мы з табой.
Якою толькi ты мне ўжо не прыгадалася -
Чаромхай расквiтнеўшаю, чый водар я ўдыхаю,
З казкi пра Алёнку - ты ёю мне сказалася,
Якую i дагэтуль я кахаю.
1984