(мани)
Вахъ баркаллу тарих ава,
Куьреда ви тариф ава.
Мерд рик1ериз ачух майдан,
Гъулугъ майдан, Гъулугъ майдан.
Ханарин гуж акатнач вак,
Уьзденари хвена вун пак,
Къваз тавуна кьулухъ майдан,
Гъулугъ майдан, Гъулугъ майдан.
Лезгистандин картадал вун,
Гуьзел п1ип1 я, за ваз лугьун,
Цуьквер алай яйлух майдан,
Гъулугъ майдан,Гъулугъ майдан.
Як1ун дагълар,нек1ед селлер,
Ч1емин кьичер, нисид целер,
Берекатар буллух майдан,
Гъулугъ майдан,Гъулугъ майдан.
Мадни гур хьуй ви хийирар,
Ви суьруьяр,ви нехирар,
Халкьдиз гъизвай дуллух майдан,
Гъулугъ майдан,Гъулугъ майдан.
Вал кьил ч1угун, мад-мад ахкун,
Ви булахрин гьамга яд хъун,
Рик1и гузва буйругъ майдан,
Гъулугъ майдан,Гъулугъ майдан.