***
Бываюць узлёты й падзенні,
Бывае натхнення палёт.
Бывае, што дзень твой асенні
Не золата дорыць, а лёд.
Бывае, ніводнага слова
Не бачыш - заслона вачэй.
Бывае, што родная мова
Прарвецца праз цемру начэй.
Бывае, ідзеш басаногі
Па ранку ў расе залатой.
Бывае, шукаеш дарогі,
Бывае, што ты не на той.
Бывае, што голас зрываеш
І доўга маўчыш, бы нямы.
Бывае, што шчасця не маеш,
Бывае, баішся зімы.
Бывае, пра ўсё забываеш,
Глядзіш на калінавы жар
І маці-Радзіме жадаеш
Высокіх прасветленых мар.
22. 01. 2024 г.