ЫШАНДЫМ
Санга кимден да бек ышандым,
Хар тасхамы жашырмай айтдым.
Жашаууму алай жашадым,
Къыйын кюнде мен артха къайтдым.
Башсызлыгъым – жауум кесими,
Тели ишим оюмлумдан да кёп.
Алай а, терс болур деп, эсими
Бурмам аманнга, шагъатым – кёк.
Адамланы кёллерин ала,
Жолларымда ненча абындым?
Халал тенгле, узакъда къала,
Ала ючюн ненча ачыдым?
Угъай, сурамайма мен тёлеу,
Аллах шагъатды этгениме.
Керек кюнде излесе биреу,
Къарамам сатып кетгенинге.
Заман а турады баргъанлай,
Аямагъан ма ол адамны.
Жашагъын бир ажашмай къалай?
Ол – шартыды уллу аламны.