***

Са - са гъед туькъвена цавара,
Ракъун хьел хкатна чиликай.
Са югъ мад аватна ахварай,
Са йиф мад хкатна гъиликай.

Вичин кар куьтягьна къизил зул
Гила ял ягъиз я галатна.
Атанайтlа лугьуз кьуьд макъул -
Гьиниз мад хъуьтlуьн рехъ алатна?

Нуькlерни тарарин хелерал
Ацlукьна бизар яз аквазва.
Къирав туш алайди векьерал -
Чигеда ракъун нур акьазва.

Геж хьанва кьуьд мадни и сефер,
Къвезвач ам вахтунда, асантдиз.
Ягъизва планриз зулун пер -
Гьар затlун кьадар я хъсанди...
03.12.2023