Тамехьа масаран боларехь б1аьрг хьоьстуш,
Кура йо1 йоьдуш гича пелхьо санна 1адийра,
Гуро лаьцна оьпано санна мекхаш а доьттуш,
Цхьа инзаре хазалла схьагича бат г1аттийра.
Ма къежа, кхокханна йалхо цициг санна, суна,
Элира цуо, б1аьргах луьра суьйнаш кхуьссуш,
Х1ан-х1а элира ас шийла, моттаделира хьуна,
Ца лела, иштта хьозан хьалха туьтеш туьссуш.
Сийначу тобалкхах товш йо1, суна тарйелира,
1аламат из хаза а хетта б1аьрг д1атуххушехь,
Вовшена куралла а йина уьйр ца тассайелира,
Амма, дагалоьцу безаме йо1 тобалкх гушшехь! (С) 28.10.23.