Г1АЛГ1АЙ БА ТЕШАШ Мустафа Ганижев
1уйрена, сийрда малх хьалкхеташ,
Кора арахьежача хана.
Б1аргагу дегаг1оз сел елаш,
Лерга хьакхеташ цхьа оаз ена.
Цу сийрда сурто дог дар хьесташ,
Къоналуш хинна из къаьна са.
Цунца сай Даьхе езар доаг1аш,
Далла хоастамбе хулаш б1аса.
Са дегаг1оз я сийрдаяьнна,
Маьт-Лоам, Баша-Лоам а цхьана гуш –
Даьхе езар хул гучадаьнна,
Хулар безам болга дега товш.
Сийна сигале, сийрда лоамаш,
Яр догг1оздала сага моттиг.
Со г1алг1а волаш, лаьтта вахаш,
Аз хоастамбу Дай-Мохк бар готтиг.
Денна моастаг1аш цох каетташ,
Г1алг1ай вахар цар 1атоъадаьд.
Аллах1о даннар мара доацаш,
Г1алг1ашкр лаьтташ цар д1адаьхад.
Са г1алг1ай къам з1амигв хеташ,
Цох дош ца хетар деце къама?
Ловза хьалкхуса бургац цо еш,
Ди доаг1аргда Даьла ло1ама.
Аллах1о бекхамбеш, нийссо еш,
Кора арахьож гуш ба тешаш –
Маьт-Лоам, Баша-Лоам цхьана белаш –
Маьржа г1алг1ай хил дог ца дулаш!
… 19. 09. 2023