Захъ дуст ава къунши хуьре,
Гьамни зун хьиз яшлу кас я.
Ша кьил ч1угун адал к1вале,
Им чал абур гъидай кар я.
Акъатна чун хуьруьн рекьиз,
Хвеши хьурай чи дустуниз:
- Рак ахъа я, ша куьн к1вализ,
Рик1 шад я чи гьамишандиз.
Кьве дустунин ихтилатар
Теспягь ч1угаз, кьаз хабарар,
Бейтар лугьуз халкьдин гафар,
Ва кьуркьандин к1елиз ц1арар.
Хуьре хьайла яшлу инсан,
Къведа абур, жеда хъсан.
Чи арада я ам масан,
Уьмуьр хьурай са виш йисан.