АЛАМАТА МУХАРАШ* Мустафа Ганижев
Кхачанз нарс я, ма1ан кхачанза,
Багар оаз яьнна дош хул иллена.
Кхеравезац* цу майрачун х1анза,
Из волаш кхывар е к1аьдлу лайна.
Ца леш висар сага сийле йолаш,
Баьдеча вахар хул мукъдахк вахар.
Д1аводар хилац, эсалвар волаш,
Из хул д1авов е эша кийчавар.
Ловзар хилац пандар, т1оараш доацаш,
Т1ема т1а мо доаг1аш сага валар.
Дуненах вилха 1ец эсалвоалаш,
Камаьршал цун шозза дукха хилар.
Вахар долалу ц1ана каьхатах,
Йоазув-лар* саго хувцац 1омаяьр.
Цо бехьа мухь хилар б1арчча маьхах,
Уж ораш, элеш дагардаь ваьннар.
Кхел ц1ена каьхата т1а йолалу,
Шийгар ловзара карлоацам бахьаш –
Цун 1откъамо к1езига саг к1аьдву,
Кхелан белха чана къорг йохаеш.
Вале, г1атта саг, волале дикан, –
Вицлуш хьаьчур нувхех, к1ай т1адамех!
Эг1азмаах цамогаш бисачан,
Т1ехьахьожаш йодача цар ларах!
Дагадоаг1а таксиста цкъа аьннар,
Гуржег1а волаш, б1арг цо то1абеш:
«Хьона мотта хургда, Сталин ваннав,
Мотте, г1алатвувла хьо, ца могаш!»
«Из бакъхургда даим х1ирий къина,
Украине т1ом д1абахьар дезаш –
Мецабараш мела болча хана,
Хьо мочар таксеш хули лехкаш!»
Аламата мухараш* - философские строки;
Кхеравезац* - рисковать не надо;
Йоазув-лар* - почерк;