Дахаран маь1на ас цигахь ца лийхира,
Замано, хийлаза, далуошшехь кица...
Ницкъ - аьтто Делера ас сайна бийхира,
Сайн нанна, Делера, ца боьхуш ницкъ...
Ма дуохко ваьлла со, сан хьоме нана,
Вас ярна: жималлехь, берзийна букъ,
Со новкъа валарна, кхоьссина кхане,
Ас хьуна дитарна баланийн дукъ!
Дахаран маь1на ду куогашкахь нанойн,
Охьа кховдий, схьаэца и мерза мохь...
Маь1на ду, йист йоцуш, доьналлехь къанойн,
Ширачу 1адатийн ницкъ - царна чохь!
Даьржина хиларах дахаран некъаш,
Ненан дог хьаьстинехь - баьккхина ахь лам!
Дахаро марзаллийн хитторах текхаш,
Биц ма бе хьайн ненан безаман чам!