Манидин ван физва цавуз,
Тlебиатдал атанва чан.
Хуьре межлис ава лугьуз,
Халкьарив ацlанва майдан.
Худда ава диде-буба,
Акъатзава мурад кьилиз.
Хунчайривди ацlай зурба,
Къе цlийи свас къвезва кlвализ,
Ягъ чамразни сусаз макьам,
Шад жедайвал жегьил рикlер
Сад хьана кьве рикlин улам,
Куькlуьррай бахтунин эквер.
Михьи рикlелди лагь тостар,
Сад Аллагьдиз къведайвал ван.
Бахтлу хьурай чи жегьилар,
Мягькемди хьуй цlийи хизан!