Лаьтта т1е кхуьссу вай дахаран дино,
Амало иэккхабой, йеш вайна чевнаш:
1ожалло къестадо, цамгаран уьно,
Мерзачу хусамийн д1акуьйлуш кевнаш.
"Дахаран къизалла ю-кх х1ара" - олий,
Цу дешнийн букъ т1ехьа бехказалла лоьхуш;
Гергарнах битина, новкъа о довлий,
Дуьненахь лиела вай, доцу рицкъ доьхуш!
Хусам а йитина - дайбаьхна ц1енош,
Некъ хьоьшуш доьлху вай, шийла мох луьйцуш;
Ларъйоцуш 1иенадеш, хьаллакдеш денош,
Рицкъанах, хьомсара аматаш хуьйцуш!