Види я какадрун, синихар кутун,
Зиди- гьар затIуниз лайих къимет гун.
Види –гъетер кьунар рагъул ятара,
Зиди –лув ахъаюн цавун къатара.
Види чIуру ният, гьа къалмакъал я,
Зиди эдебият, дидедин чIал я!
Види гьайбат гузвай цацарин вал я,
Зиди са кьуразвай цуькведин тIал я.
Види- агъу хьана сел хьиз авахьун,
Зиди -цIараривди рикIера гьахьун.
Види я сафарал лашар илигун,
Зиди -михьи къастар, вилик килигун.
Види- багъри туна, чарадахъ шехьун,
Зиди-ви хаинвал азабдив эхун…
Види кьуру дамах, руьгьдин кесибвал
Зиди-дагълар атIун, гьакъикъат патал!