Рагъ цIразва ви кьакьанрин къатара,
Къуватар гуз Терек, Рубас, Кьуландиз,
Чил хъуьрезва берекат квай ятара-
Ахъайзава къужах азиз мугьмандиз.
припев
Дагъустан, Дагъустан,
Дуст халкьарин кIеви хизан, Дагъустан,
Азиз ватан - лекьер макан, Дагъустан!
Рапрапзавай Каспи гьуьлуьн лепеяр
ЦIарар ятIа Сулейманан, Расулан…
Азиз я чаз ви чуьллерни тепеяр,
Шагьидар хьиз са тарихдин къагьриман...
Акуна ваз шумуд азаб, шумуд тIал-
Муьтуьгъ тежез душман туна кьарада!
Чун гьазур я женгер чIугваз вун патал,
Са дагъ хьана ви дагъларин арада!
Икрам ая кьегьалвилин рекьериз-
Акъат тавуй мад гапурар къакъарай!
Шадвал гъурай зегьмет кIани рикIериз-
«Лезгинкадин» аваз хьурай япара!