Маг;арухъ г;еч;езда г;айиб ч;валаро
Г;агараб т;алъидул т;абг; какунилан.
Т;огьазул гьайбатлъи, гьавадул т;аг;ам,
Т;ад г;урасда г;адин г;одоб лъаларо.
Г;айиб гьабиларо гьал шагьаразда
Шушбухъа лъим гьекъон къеч буссаразда.
Къват;иракьалда г;ун г;ашираталъул
Г;адатал к;очарал к;албазарада.
К;алч;ван иццул лъадал т;аг;ам босич;ел,
Т;алъиялъул муг;рул, щобал рихьич;ел,
Шагьаразда милкахъ миллат к;очарал,
Маг;аруллъиялъул мах; хут;ич;езда.
Муг;рул улкадулги миллаталъулги
Мадих;ал ц;алич;ел, шугьрат лъаларел,
Шагьабазухъ бичун шишил рахь босун,
Щаринахул т;аг;ам к;очон таразда.
К;алг;абазул к;алалъ к;амадул гуреб,
К;алдиб лъун т;орахьдал т;аг;ам бихьич;ел,
Т;ад жемараб кагътил багьаял гьеч;ел
Батончикал кванан кеп босулезда.
Маг;арул т;орщалил т;аг;ам бихьич;ел,
Т;алъидул ххаралъул хаслъи лъаларел,
Химикатаз ц;урал кванил ниг;матал
Кванан г;орц;аразда ч;валаро г;айиб.
Дица г;айиб ч;вала г;авамлъиялда.
Г;амал чияр босун чилъи дагьлъарал,
Чобочарал муг;рул г;ад-хоч;ги гьарун,
Г;одоблъи беццулел беццал рак;азда!
Саг;ид Ордашов