Бадибе гьоц;о т;инк;ун,
Гьодида ц;алал к;ут;ун,
К;игьумерлъи гьабулев
Гьев дие гьудул гуро.
Гьурмае хабар бицун,
Ххвалиего рецц гьабун,
Рихьдае хьвадулесул
Хьибил дица кколаро.
Бергьарасда къвал балев,
Къурасде мал хьваг;улев,
Макирасулгун дица
Гьудуллъи гьабуларо.
Гьабулеб цо бук;унев,
Бицунеб цоги бугев,
Царал г;амал бугесде
Г;агарде дун къаларо.
Г;адан х;акъир гьавулев,
Х;алихьалъи баччулев,
Х;амият бугесулгун
Х;ал дица бикьуларо.
Х;акъабалде данде ч;ун,
Даг;бадун гьедарулев,
Гьудулзаби гуккулев
Гуро гьев дие гьудул.
Бечедасе х;елулев,
Х;акимасе къулулев,
Къабих;аб г;амал бугев
Г;одосанго вокьич;о.
Биценалъулъ гьерсилав,
Гьабулелъулъ х;иллаяв,
Х;ая бичун чед кунев
Чи дие гьудул гуро.
Раг;уе хилиплъулев,
Харбие хисардулев,
Хияналъи гьабулев
Гьевги дий гьудул гуро.
Гьобол вокьуларевги
Гьудуллъун х;ажат гьеч;о,
Х;ал бикьизе к;вах;алав
К;варич;о гьалмагълъунцин.
Руччабазе лъедолев,
Лъадуе мут;иг;лъулев,
Мах;идуясулгун дир
Мах;цини рекъоларо.
Миллат ц;унуларевги
Ц;аларо рак;алъ т;аде,
Ц;аруе хьвадулесде
Хьваг;ун тола дица квер.
Гьереси-мац; рихарав,
Рит;ухъазе гьуинав,
Гьудуласе рух; кьолев,
Рух;иязе рак; кьолев,
Раг;уе чучуларев,
Чидае х;елуларев,
Х;илла-рек;к; жиндир гьеч;ев,
Гьев вуго дие гьудул.
2020 сон
САИД ОРДАШОВ