Олтурад кюн турушда,
Акъсакал таулу,
Буту кетгенд урушда,
Къыргъан кюн джауну.
Бети мугурду, мыдах,
Кезлери мутхуз.
Ала болмайла къургъак,
Ашы-очу туз.
Къуандырмайды джашау,
Анда татыу джокъ.
Эсиндеди къанлы джау,
Келиб тийген окъ.
Джашлыкъ къалгъанд урушда,
Елгенди анда.
Джазыугъа эте гурушха,
Дерт къайнайд къанда.
Энтда тургъанча барыб
Тохтамай сермеш,
Таулу атлайды арыб,
Хар кюню-кюреш.
Къуанч кетгенди кери,
Джылайд джюрек.
Кез къысмайд танга дери,
Къарад тегерек.
Тилесе да кеб тилек
Келирге, хорлаб,
Сезе эди джаш джюшерек
Къайтырын, сарнаб.
Хордам Кюнде тепсерге
Джокъ болду аякъ.
Алды солдат джюрюрге
Эки агъач таякъ.
Джокъду къартны бир саны,
Урушда кетиб.
Бирле кюлелле, аны
Хыликге этиб.
Хатерсиз болгъанд джазыу,
Джаханим согъуш.
Тилейме къартха къарыу,
Аллах, сен болуш...