/мух1ажаран йиш/
Вайн дай баьхна латта
Морцуш, даьккхи ч1ана.
Ярташ охьааьтта,
Йохий Соьлжа- г1ала.
Зоьртал хилла г1ишлош
1охку, хилла саьлнаш.
Хьуна йина г1ело
Дегнаш чу ца тарло.
Кхин юха ца г1атто
Йожийна ю, бохуш,
Дуьненна шайн харцо
Дозаллийца кхайкхош…
Ярий хьо-м т1ех езна,
Синош хьоьца доьзна.
Дог хьоьстуш хазалло,
Ахьа-м тхо кхиийна.
Х1ай дуьненийн Эла,
Сийлахь Воккха Дела!
Тхан мохк 1алаш бехьа,
Харцо эккхаехьа!
А. Джабраилова
2000 шо /мух1ажар* йолуш/
_______
Мух1ажар – махках ваьлларг /беженец/