Личаш дита дегах, хьо ма къард.
Къарбаьраш улл мархlа а делла лаьтта.
Водар даим гу хьона аьрда.
Теша дlайхача урсо лоалду даьтта.
Седкъаш къарде гlерташ бетташ лув.
Седкъашта хlаьта шоай дар мара ца гу.
lа мел къаьрба, lа мел бийца дув.
Сона-м хийла хьа lаьржа бlаргаш гу.
Шийла, шийла дог са бийса мо,
Сийна йlовхал а сийна ша а дlалов.
Гlордаь пхаьнаш, тешаме дош мо
Меллара дарба деча, дийна ца лу.
Цlийста деннад lаьржа хьармакхаш.
Личах дог lоценалуш ханаш а лоъ.
Сина гlолла дода сармакхаш.
Заманца мел хьаlийна lолоалъеш оъ.
Гlалгlайче, 5. Нажгамсхой бетта 2020 шу