Дзьве блакітныя зорачкі ў небе- глядзі!
Гэта вочы Радзімы тваёй.
Ты любі яе, беражы,
Сцеражы яе светлы спакой.
Як удзячны сын на матулю
Паглядзі на краіну сваю,
Не шкада за яе стаць пад кулю,
Адпусціць трапяткую душу.
Залатою ніццю праз сэрца
Беларусі вобраз ідзе,
І няма ва ўсім свеце месца
Больш святога за гэта нідзе.
Мы крывёй адкупілі грахі,
Калі біліся з ворагам насмерць,
Мы аддалі Зямлі ўсе даўгі:
Радыяцыя, боль, ганьба - досыць!
Паратуй Беларусь маю, Божа,
Справядлівасці я папрашу,
Памажы ёй, бо колькі ўжо можна
Цярпець крыўду, жалобу, нуду.
Самай чыстай ды светлай краіне
Пагражае навала ізноў,
Ты стрымай ліха, хай яно згіне,
Не дазволь, каб лілася больш кроў.