ЯРАБ ВУЧИЗ ИКI ЯТIА?
Къацу хьана гуьлуьшан я гьар са пад,
Рагъни хъуьрез няналди , шад я, шад!
Яраб вучиз икI ят1а?
-Гад я, гад!
Илигнава чпин хъипрен манидал
Вирин кьере хъипери,
Ава жеди абур вире вишни къад!
Яраб вучиз икI ятIа?
-Гад я, гад!
ЧIулав хьана ччир хъижезмач
ГъвечIи гада, ягъайтIани
адан ччиниз гьикьван яд...
Яраб вучиз икI ятIа?
-Гад я, гад!
Гьар са гъенел чрунарни ргунар:
Багъди гъанва пIиниярни тутни хват!
Яраб вучиз икI ятIа?
-Гад я, гад!
Ччепелукьри кьуьлерзава иер валс,
Карнавал ян, сувар яни, я парад?
Яраб вучиз икI ятIа?
-Гад я, гад!
12.07.2014.