Ви вилерай гьакъикъатда зун я руг,
Алакь тавур туьк1уьр ийиз жуван муг.
Ша, илифа, руьгьдихъ галаз зи кук1ук1,
Векь акъатай, битмиш хьайи са чlура.
Аламач зи сивел накьан хъвер гила.
Мурк1ар хьанвай руьгьер ая на руг -руг...
Зи чандавай зул акъуда, цуьк алук1.
Зун хиялрин деринравай туш са лукl.
Зун Эсли туш, я вун Керем, мад гила...
Физва йисар, экъеч1 къецел, вил гала.
Куьтягь хьана, гьакl физва зи уьмуьр пак,
Къаю кьунва, кутазмач на зун лувак.
Элкъведач вахъ, умуд кумач гила вак,
Жигер кана, вун рик1е за хвейила.
Рик1ни хана, хъфида зун мад гила.
Аламатдин гафар лугьуз, жез ашукь,
Дердерикай манияр лугьуз ацукь.
Яб акала гила жува са вац1ухъ,
Хиял квахьна экъвезва рик1 кайила,
Ахквадач зун ви вилериз мад гила.