Хиялри, и йиф амай кьван,
Гьич секинвал ганач заз,
Алайди хьиз рикlел зи къван,
Акlанвайд хьиз ана цаз...
Агъзурни са фикир кьилиз,
Гьар жуьредин, атана -
Зат1ни амач къведай гъилиз
Фадлай за им кьат1ана…
Фикирна за: вуч хъсан тир
Жегьил чlаван береяр.
Уьмуьр вилик квай инсан тир -
Гьайиф, багьа легьзеяр..
Къакъатнава гила а вахт -
Ашкъи авай, милли гьиссер…
Захъни хьайиди я а бахт:
Къизилгуьлдин цуьк квай эссер..