Гатфарин югъ атай ч1улав хабарди
Элкъуьрнава хъуьт1уьн къизгъин т1урфандиз.
Кафандик кваз бала акур дидедин
Квахьнава нур, квахьна ишигъ вилерин.
Агудна хва ламу хьанвай накьварив,
Ац1анва къе дидед вилер накъварив.
Уьмуьрлух ам суьгьуьрдава гьижрандин,
Ч1угвазва гъам гуьмбет акваз жавандин.
"Пагьливандин буй авай зи ширин хва,
Кьегьал лекьрен суй авай зи игит хва,
Чилик кутаз хайид тирни дидеди! ?
Цавуз бахшиз хвейид тирни дигэди!?
Яру дуьгуьр за сандухда хвенавай,
Ясдин шалдиз куьз даим элкъвенава!? " -
Лугьуз кесиб хур гатаз есирдава,
Эхиз жезмач мад и дерт фагъирдивай.
Веледдин т1ал кьисмет тахьуй бендедиз,
Веледдин сур такуй буба-дидедиз.
Уьмуьрдин дад туькьуьл тахьуй садрани,
Кафандик кваз бала такуй садазни...