Кьуьзуь хьанва йис ,
Гьалар хьанва пис.
Лацу я чуру
Кефи лап ч/уру.
Эхир-ийиз гьисс
Зайиф жезва йис
Гуз жезамач чим
Мурк/ад кьунва ким!
Къвезвай ц/ийи (йи) сал
Эциг жедан цал?
Гуз жедайд туш ттаб
Женг ч/угун- я таб
Тахтуна гьахьда
Тадиз ц/ийи йис
Гаф акъуд тийиз
Куьгьнед ийиз кис.
Кьазва чаз хиве
Ц/ай аваз сиве.
Гьазур тирди гуз
Чаз, чим гьар юкъуз.
Ц/урурдай къуват
Чил кьунвай мурк/ар
Авалда вичихъ
Дугуриз ракъар.
Гьуьжет ийизвай
Чи хайи чилихъ
Твак/ , тергдай алат
Авалда вичихъ!
Ак/ ят/а хьурай
Ц/ийи йис мукьвал
Вири дуьньядин
Вил ала адал!