Г.Омаров
Ирк1в ут1уна хьуни мур.
Жан рукъукъуна бяя к1ур.
Г1акве кьу1 ул хьаси кур
Вун дахьучин, Муслимат.
К1аре унет1ар-улар,
Жили рукьа кучарар…
Шав ваш гъумуша ч1алар
Сараттарин, Муслимат.
Ц1а лихьуна зун какб
Акьубива бе матлаб?
Язукъ бяйдагьан яраб
Ятум жандин, Муслимат?
Тукулас уьтт гъушайде,
Мумун раг1яр акьайде,
Жиж атай вал лурцайде
Варв э зун вас, Муслимат.
Гьали бе дадас-бавас
Гьатава вун тин агъас?
Цулис ц1ек1инар акьас
Разибял тин, Муслимат.
Фийчи ирк1уран хиял
Х1яр акьас э зун ц1иял.
Гъалат1ар акьас х1улал
Хьеш гьел сад-сайс, Муслимат