Г.Омаров
Баду1хъ Пирдам
Лагьиж хьуни элдис бет тур
Маг1ни хьуна агъдиву тур,
Диши-тайфа вея къудур,
Бе жил киркьуф, Баду1хъ Пирдам.
Ккане руш бе х1ядариг1 г1я,
Гуьнейъ ае г1у1дариг1 г1я,
Ире ц1антук-тукариг1 г1я-
Мева дартлу Баду1хъ Пирдам.
Уху х1у1рин акье таг1риф,
Дагурай хье бина заг1иф,
Илгурай хъумий х1айиф
Бе маг1нияр Баду1хъ Пирдам.
Ц1айлапанар хьуна дусттар,
Мяртти ий ирк1уран кьасттар,
Ушуна а гьел хье бахттар,
Фурс гъудушас Баду1хъ Пирдам.
Алахум-суй ибхь алихьу,
Жегьилар ли вал хьеб алихьу,
Агъулар вахъ умуд хъихьу,
Шав, шад акье Баду1хъ Пирдам.