«КЬУРУКЬРУ»
Дяъвилул майданнай, тийх багьсса вирттал,
Аьрщараву чуч1ав, къабуччусса тай,
Мяйжанну буххайра , ч1алай тти ссавний,
К1яла кьурукьирттайн к1ура бавну к1ай.
Тти инт ва ссут дуч1айх, шиная шинайн,
К1ай лехлаймма бачайр, оьт1исса ч1урдай,
Ссавния халкьуннайн, леххаву рутлай
Ц1унил ва ц1унилгу, к1ийн бурган буллай.
Уттигу дур ч1алай, гъурбатрая най,
Кьурукьирттал ттурзан, к1ий ттуруллаву,
Аьламатну низам кьюкьрай дургьуну,
Ттурлийн бачай куццуй аьраллу талай.
Архсса цала ххуллийх, к1ай дур левххун най,
Кьуй-кьуйлий х1уч1 чинну, щилив ц1арду т1ий,
Ссавнийх рух1ру найсса, буч1инну буслай,
Яруссаннан к1улсса лугъатрал ч1урдай.
Левххун най гьухъала ттигу дур гьузуй,
Дяъвилул вирттаврал, рух1ру лавсун най,
К1айннал кьюкьраву бур, лях-лич1у ч1алай,
К1а бурвав къак1улли, ттун бугьсса к1ану?
.
Дуч1анссар ца кьини, к1а няк1ссавнилу,
К1ура авну нагу, к1яла к1урукьрайн,
Ссавнийх лавай левххун , ч1у банна оьт1ий,
Салам буллай к1ия, ттула дустурайн.