Бахт к1ент1 яни гъаларин, квахьнавай эхир,
Дердерин эсерди авунвай есир!?
Гьижрандин гьужумдиз гьич муьт1уьгъ жедач,
Пак т1варц1ел ашкъидин за леке гъидач.
Тахьайт1а ц1верек яни ам живерин,
Элкъвезвай уьц1уь накъвариз вилерин!?
Гьикьван вахт тир чилерал жавабдихъ къекъвез!
Вуч гьазурна Халикьди сабурдиз эвез?
Зи бахт ц1ун гапур я Худади гайи,
Са шумуд сеферда руьгь, беден кайи.
Анжах зун руьхъведкай халкь хъувунва мад-
Даим заз гьазурна экуь уьмуьр шад.