Махьфар къундай туша,
гьумур архьуни гужа.
Муч1е хьунихи бустан,
Дуйин хавлат суман.
Вахт дахьуна фархьу жан,
Ирк1уракес хьуни гъван.
Бадай ушуни зегьметар,
На кихьа хьел тахсирар.
Ли къадар дагъди гъушас.
Хъаттархьайий вун наич.
Бе дардунас дарман хьас,
Андайхьан духтирар хьич.
Бе хъуч1уркъу юрушар,
инсанар ий г1аламат.
Вас закес гиран ийва,
Адатас зус саламат?
Г1ушан ахун ат1ая,
вун эмк1икес агуна.
Зун аваран хуна а,
Вун андай зарул хьуна.
Хьел хуттуруф. якъу багус.
Бе амейде хьиларис.
Пай эва ваш атту зус,
Булахар хьу уллерис.
Руб кик1на амия,
дукъас хъучадархьуфигьан?
Тадарак тубун хилин,
Ахьан дахьутаригьан...
Хьимуд тарг акъуни вун,
Г1адатсуз, хараб -дунья.
Зиндани, вун,дардарин,
Нахьакь,вафасуз, дунья
Москва. 19.10.2018г.
(Хоть тетрадь целую испишу, но моя боль не утихает.
Уже три месяца, как тебя нет, моя родная!)