Илит1нава Эминан ч1ал хат хьана
Лацу чарчел зи гъилевай ктабдин:
Гьинал адан хиялдин гъал кьат1 хьана?
Гьинал кьуна ам илгьамдин азабди?
Ганач адаз къелемди фу-къафунни,
Гьар келима вуч дуьзгуьндиз ц1арц1ева!
Магьирвални дидед ч1алан гафунин
Уьмуьрдин кьел Туьквезбанан т1варц1ева.
И дуьньядиз гзаф чида тажирар,
Ангье шагьид - кьакьан, вили тагъ цавун.
Лезги чил, вахъ мадни жеда шаирар,
Эмин рик1ел аламай кьван сагъ я вун!